200 ARTISTES PARISIENS DU XVI^e ET DU XVIP SIÈCLE.

par led. conlract de mariage, led. s^r de Gaigny a donné et donne lesd, mil livres tournoiz de rente, vallans troys cens trente troys escus ung liers, aud. s^r de Breulles, ad ce present et acceptant pour luy'et les siens, à prendre sur lad. rente de ville, pour commencer à en joyr du jour dud. decedz dud. s^r de Clàigny et non plus tost, qui en a reservé et reserve la joissance et usuffruict sa vye durant, comme il a faict par led. contract de mariage.

Davantage, a icelluy s^r de Claigny,pour la bonne amour qu'il porte aud. s^r de Breulles et que son plaisir est d'ainsy le faire, donné et donne encores à icelluy s^r de Breulles, ce acceptant pour luy, ses hoirs et ayans cause, une maison, court et jardin, avecq cinq arpens de vigne ou environ en plusieurs pièces, assis au villaige et terroer de Rueil en Parisis et es environs, aux charges des cens et rentes qu'ilz peuvent debvoir, qu'ilz n'ont autrement peu declarer ny speciffier, à la réservation aussy de l'usuffruict desd, maison et vigne au proffict dud. s^r reverend sad. vye durant, voullant que, après son decedz, led. usuffruict soit réuny et consolidé à la propriété au proffict d'icelluy s^r de Breulles, et, ce pendant, se constitue led. s^r reverend en joir à tiltre de precaire, laquelle joissance ne pourra aucunement prejudicier aud. s^r de Breulles, et dès à present s'en est icelluy s^r reverend dessaisy à son proffict, acordànt qu'il en soit mis en possession par celluy ou ceulx qu'il appartiendra. Pour quoy faire el aussy pour faire insinuer led. present contract, partout où besoing sera suivant l'ordonnance , ct en requerir actes, lesd. s^rs reverend et de Breulles constituent leurs procureurs m^e Jehan de Beze et les porteurs d'icelluy, car ainsy a esté accordé par led. s^r reverend, lequel promist et jura en bonne foy ces presentes et tout le contenu en icelles avoir

pour bien agréables, tenir fermes et stables à tousjours, sans jamais aucunement y contrevenir, ains rendre et paier à pur et à plain, et sans aucun plaid ou procès, tous coustz, fraiz, mises, despens,-dommaiges et interestz qui faictz, euz, souflertz, soubz-tenuz et ëncouruz seroyent par deffault d'entretenement et acomplissement de tout le contenu eii icelles, et en ce pourchassant et requera nt, soubz l'obligation et ypothecqué de tous et chascuns ses biens et de ceulx de ses heritiers, meubles et immeubles, presens et advenir, qu'il en soubzmist et soubzmect pour ce du tout à la justice, jurisdiction et ' contraincte de lad. Prévosté de Paris et de toutes autres justices et jurisdictions où trouvez seront, pour le contenu cy devant acomplir. Renonça en ce faisant expressement à toutes choses generallement quelzconques à ces presentes lettres contraires et au droict disant generalle renonciation non valloir. En.tesmoing de ce nous, à la rellation desd, notaires, avons faict mectre le scel de lad. Prevosté de Paris à cesd, presentes lettres qui furent faictes et passées, l'an 15^8, le lundy 16^e jour dè juing. Signé : Croizet et Roze. Insinuation du 19 juin 1578. — (Arch, nat., Y 119, fol. 32 4 v».)

436. — Jugement rendu aux Requêtes de l'Hôtel entre Pierre Lescot, s' de. Lissy, Conseiller au Parlement de Paris, et Léon Lescot, abbé de Clermont, au sujet de la succession de Pierre Lescot, s^r de Clugny. — 18 septembre 1679.

Veu par la Court le défault à faulte de comparoir obtenu par m^e Pierre Lescot, s^r de Lissy, Conseiller du Roy en sa Court de Parlement et commissaire es Requestes du Palais, demandeur selon le contenu d'une sentence de ladicte Court du 1 4 juillet 1 579 dernier passé, et requerant le proufict dud.